|
অৗমৗগ্লৗলৗ বেদেন: অৗমৗগ্লৗ এক পাল সোমাশ হয়া, কৗয়ু এই প্রজেকনি কাম কৰে আন কৗয়ু ইংকৗয় সুমৗয় পাৱা ভলা কামনি হাতাপাতিকে দেয়, এই কামৰা সুমৗয় পাৱা ভলা সাই কৰানি কাম নাহয় কে অৗমৗগ্লৗ বুজিছে, কিন্তু নানানতা বেৰা হেনা জিনিচগ্লৗ পাৰ হয়া যাবা লাগে।তুৰৗ আৰ ধেমাজিনি কাম কুৰিয়ৗ, অৗমৗগ্লৗলৗ মিসেঅনৰা হুছে, মৗনগ্লৗগন দাতিককে আগবাঢ়িবৗ কামগ্লৗ আৰ আলগা জীবন বদলেয়া দেৱা জিনিচগ্লৗ ঘুপিয়ৗ দেবা বা নিয়ৗ যৗয়ৗ মৗনগ্লৗগে হাতাপাতিকে দিয়ৗ উগ্লৗলৗ জীবনগ্লৗ ভালাকে দেৱা।মিসেঅননি মন লাগিয়ৗ দেৱাগ্লৗ লগে আৰ অৗমৗগ্লৗলৗ হপননি ভাগ নেৱাগ্লৗ লগে মিল-জুলকে অৗমৗগ্লৗ কাম কৰে।অৗমৗগ্লৗলৗ ঠৗই থাকা জিনিচগ্লৗ খুব ভালাকে কামনি লাগাবাগন অৗমৗগ্লৗ কাম কৰে। হপন: হাজংলৗলৗ ঠৗই দহাৰ দিখিবৗ। মিসেঅন: হাৰাৱা মৗনগ্লৗলৗ ঠৗই পুনচিবৗ আৰ উগ্লৗলৗ জীবননি বদল আনিবৗ। আবজেকতিপ: মৗনগ্লৗগন ভালা জীবননি বাচিয়ৗ থাকিবৗগে তোলিয়ৗ আনা- শিকৗনি, বেমাৰ নাৱাকে ভালাকে থাকিবৗ দেখানি, ভালাকে হাগা-মুতৗকে আৰ চাফাকে থাকা দেখানি, ভুই-ভিতৗগ্লৗ কামনি লাগাবা কোৱা আৰ বানা গোৰাবা কোৱা, যাতি-নিতি আৰ ভাষাৰা বাচেয়া ৰাখিবৗ কোৱা। |
