Dhara

Garo Hillsni madhay dhara ase, kintu dharaglâ bakhare paharla bakha durni aro bhiturglâni ase. Toy tola gâyrârâ kunbâ thây thoya theng diyâ beraba lagibo, aro ek dinâte phiriyâ ahibâge tal nây.

Pelga dhara

Pelga dharara cabage tal naharaw. Idâ Tura thiki jabage adha ghonta lage, Ranggira paharla gorni ase. Udâni pani uphur diyâ durilâ sawka ase, photo tuliyâ ghor bhay anibâge khob bhala jaga. Idâ ekra jaga, jidâni toy homasglâ loge khob bhala sumây pabo.

Gandrakdare Dhara
Turani, pot kolate Gandrakdare dhara ase. Idâ tota din bhola pani hukây, kintu bârsâ hule, paniglâ pot uphur diyâ uriyâ jay.

Nengsanggrap Dhara
Tane Tura paharla mayduni Nengsanggrap dhara ase. Toge tari uthibâ lagibo, ek ghonta lage. Durbin niyâ jaba monot napasrik. Gotay Tura towndâ cabage idây bek câyâ bhala jaga.

Mesakdare Dhara
Idâ Rongramla kandani ase, gâyrâ diyâ jabage adha ghonta lage. Pulis thiknâlâ kanda thiki bhato bhay ghuribâ lage, Tura thiki jalekon.

Rongbangdare Dhara
Rongbangdarera arekra dhara, Williyâm Nagar jawa potni ase. Tura thiki gâyrâ diyâ jabage der ghonta lage. Kandani cabage toge jhorara par hoba lagibo. Pani bhijibâ nacale, par hobage duri diyâ banani sawka ase, kintu jog ase, bhalake ca, jiglâ thup baniyâ gas uphur thiki puri.

Rombagre
Dui ba der ghonta Tura thiki gâyrâni jaba lage. Bhandra khabage khob bhala jaga. Cin lekhaglâ dikhile jhirâw aro bhalake purik. Toy cin lekhaglâ dikhiyâw namanile aro gawla mânglâlâ bhagla jaga thiki mas marile, dundi debage teka tuyârke tho.