Jasegâ agela dinglâ je bhola sawaglâ dang-guti khelaban. Idâ khelaba cohos. Ekra adha mitarla bari aro hutu gas guti sây new aro matini hutuke ek angul gata khunik aro gata thiki adha mitar pase rek di. Tane gutirâ gatani thoya bari diyâ cotkeya di, jate guti diyâ barirâ takaba napay. Takaba pale, toy muribo aro algagon khelaba deba lagibo. Gutirâ cotkeya dewala paseke tola barirâ dangaba napale, tane toy gutirâ gata thiki bari diyâ dangeya tuliyâ mujun dur bhay jureke dangeya di. Tane joto dur gutirâ cotkeya jase, udâ thiki guti diyâ guniyâ gata bhay ay. Ek guti mane mane ek gem. Aphar agela henay khelaw. Joto sumây pâyâ gutirâ daphiyâ takaba napay tapte ek jhonda kheleyay thakibâ pay. Gutirâ takaba palehe, toy algage khelaba deba lage.
