Pahar

Turani aro kasakasini tintâ pahar ase.

Tura Pahar
Idâ ujân bhay ase, mek aha age uthibâge khob bhala jaga. Pahar mathani jâyâ pabage adha ba der ghonta hena lage, tola jurlâ uphurni hubo. Pahar mathani jar ase beden tota jagala mânglâ gorom kapur neba lage. Uphurni dokan nây beden khawa ba biskut neba lage. Udâni bakharsa gasni jala phulglâ aro pukhiglâ ase, dokra-cikrâke. Idâ khob gas-bas jongol diyâ bhora. Kintu elala dinglâni mânglâ thakibâge jaga dokhol kore aro khuri kate.

Ranggirâ Pahar
Idâ nebrala-bhati bhay ase. Ek bhola idâ  khob gas-bas jongol diyâ bhora hoban, kintu hagra khay beden ey paharra ela hakle taktaka hoba dhurise. 
Turâ thiki gâyrâ diyâ jabage 1 ghonta lage. Bhiyân-khawala pase, diphur-bhatda topla banik, jate toy buhiyâ khaba pabo aro ek dui ghonta rong hoya caba laga jagaglâ caba pabo. Idâ uthibâge 3 ba 4 ghonta lage, tola jaba pawa jurlâ uphurni. Potda bekun tari uthibâ laga. Kunbâni potda khara, kintu je bholay toy pas bhay cay, hogol bholay nijâlâ uthibâ jagara toy dikhiyâ musâ khabo. Beladubârâ cabage idâ khob bhala jaga.

Nokrek Pahar
Idâ Garo Hillsni bek câyâ uksâ pahar, aro Indiyâlâ ekra Nesonal park. Ratirâ thakibâge jaga ase, te paharla âwâlrâ câyâ rong hobage ratirâ thakibâge jukti pakaw. Tola dini kawsliglâ aro cintâglâ idâni monot pasriyâ phelaba pay. Ey paharglâni jawa bhola hogol bholay jogglâ bhalake ca.

 

Agpata<<<

 

Tola kowa ba prosnoglâ âmâglâgon pathaw